ລະຫວ່າງວັນທີ 24-28 ກໍລະກົດ 2022 ທີ່ ເມືອງວັງວຽງ ແຂວງວຽງຈັນ

ສະຖາບັນຄົ້ນຄວ້າວິໄຈການພັດທະນາ ກະຊວງແຜນການ ແລະ ການລົງທຶນ ໄດ້ຈັດຝຶກອົບຮົມໃນຫົວຂໍ້: “ທົບທວນຄືນກ່ຽວກັບພື້ນຖານການວິເຄາະທາງດ້ານສະຖິຕິ ໂດຍນຳໃຊ້ STATA software” ໂດຍການເປັນປະທານຂອງ ທ່ານ ປອ ທະນົງຊາຍ ສຸກຄຳທັດ ຮອງຫົວໜ້າສະຖາບັນຄົ້ນຄວ້າວິໄຈການພັດທະນາ ກະຊວງແຜນການ ແລະ ການລົງທຶນ,

ຈຸດປະສົງຂອງການຝຶກອົບຮົມໃນຄັ້ງນີ້ ແມ່ນເປັນການທົບທວນຄືນກ່ຽວກັບບັນດາພື້ນຖານການວິເຄາະຂໍ້ມູນຕ່າງໆກ່ຽວກັບວຽກງານດ້ານໂພຊະນາການ ທີ່ໄດ້ຜ່ານການຝຶກໃນໄລຍະຜ່ານມາ ໃຫ້ແກ່ນັກສຳມະນາກອນ ເຊິ່ງຕ່າງໜ້າຈາກ ກະຊວງສຶກສາທິການ ແລະ ກິລາ, ກະຊວງກະສິກຳ ແລະ ປ່າໄມ້, ກະຊວງສາທາລະນະສຸກ ແລະ ສະຖາບັນຄົ້ນຄວ້າເສດຖະກິດສັງຄົມແຫ່ງຊາດ ກ່ອນຈະເລີ່ມການຝຶກອົບຮົມໃນຂັ້ນຕອນຕໍ່ໄປ