ໃນຕອນເຊົ້າ ວັນທີ 14 ກໍລະກົດ 2023, ໜ່ວຍງານວິເຄາະຂໍ້ມູນໄດ້ຈັດກອງປະຊຸມວິຊາການປະຈຳສອງເດືອນ ຂຶ້ນທີ່ ກະຊວງແຜນການ ແລະ ການລົງທຶນ. ເປັນປະທານໂດຍ ທ່ານ ປອ ສິດທິຣົດ ຣາຊະພົນ ຫົວໜ້າສະຖາບັນຄົ້ນຄວ້າວິໄຈ ການພັດທະນາ ແລະ ສູນຝຶກອົບຮົມ, ພ້ອມທັງຍັງເປັນ ຫົວໜ້າໜ່ວຍງານວິເຄາະຂໍ້ມູນຂອງໂຄງການ. ມີຜູ້ຕາງໜ້າຈາກຂະແໜງການທີ່ກ່ຽວຂ້ອງເຂົ້າຮ່ວມ ເພື່ອຮັບຟັງ ແລະ ເພື່ອປຶກສາຫາລືກ່ຽວກັບ:

1. ຜົນສຳເລັດຂອງບັນດາກິດຈະກຳທີ່ໄດ້ຈັດຕັ້ງປະຕິບັດໃນໄຕມາດທີ2 ພ້ອມທັງບັນຫາສິ່ງທ້າທາຍ ແລະ ຂໍ້ຄົງຄ້າງທີ່ພົບພໍ້

2. ແຜນກິດຈະກຳທີ່ຈະຈັດຕັ້ງປະຕິບັດໃນໄຕມາດທີ 3 ຂອງປີ 2023.

3. ລາຍງານຜົນການປະເມີນຄວາມອາດສາມາດຂອງ 6 ແຂວງເປົ້າໝາຍ.

4. ການອັບເດດ ແລະ ປັບປຸງເວັບໄຊ໌ NIPN ເວີຊັ່ນທີ 2 ພ້ອມດ້ວຍລະບົບການອັບໂຫຼດ ແລະ ສົ່ງຕໍ່ຂໍ້ມູນແບບໃໝ່.

5. ບົດຮຽນທີ່ຖອດຖອນໄດ້ ຈາກກອງປະຊຸມພົບປະສາກົນຂອງໂຄງການ NIPN ຄັ້ງທີ 5 ( the 5th Global Gathering) ທີ່ເມືອງບຣູດເຊວ ປະເທດເບວຢຽມ.