ສະຖາບັນຄົ້ນຄວ້າວິໄຈການພັດທະນາ, ກະຊວງແຜນການ ແລະ ການລົງທຶນ ຮ່ວມກັບ ສະຖາບັນນະໂຍບາຍເສດຖະກິດສາກົນຂອງ ສ.ເກົາຫຼີ ຈັດກອງປະຊຸມວິຊາການພາຍໃຕ້ຫົວຂໍ້ “ການຮ່ວມມືລາວ-ເກົາຫຼີ” ທີ່ລົງເລິກໃນຂະແໜງກະສິກໍາ ແລະ ການສ້າງການຮ່ວມມືເພື່ອການພັດທະນາໃນພາກພື້ນລຸ່ມແມ່ນໍ້າຂອງ ເຊິ່ງກອງປະຊຸມຄັ້ງນີ້ຖືເປັນຄັ້ງທໍາອິດໃນຂອບການຮ່ວມມືດັ່ງກ່າວລະຫວ່າງສະຖາບັນນະໂຍບາຍເສດຖະກິດສາກົນ ສ. ເກົາຫຼີ ແລະ ສະຖາບັນຄົ້ນຄວ້າວິໄຈການພັດທະນາ, ກຜທ.

ຈຸດປະສົງຈະໄດ້ລົງເລິກປຶກສາຫາລືດ້ານວິຊາການໃສ່ 2 ຫົວຂໍ້ດັ່ງກ່າວຈາກທັງ 2 ພາກສ່ວນ ລະຫວ່າງສະຖາບັນນະໂຍບາຍເສດຖະກິດສາກົນ ສ. ເກົາຫຼີ ແລະ ທາງຂະແໜງການທີ່ກ່ຽວຂ້ອງຂອງຝ່າຍລາວເພື່ອເປັນຂໍ້ມູນສະໜັບສະໜູນໃນການພັດທະນາເສດຖະກິດ-ສັງຄົມຂອງປະເທດ ແລະ ການຮ່ວມມືກັນດ້ານວິຊາການ

24/08/2022 ໂຮງແຮມລາວພລາຊາ ນະຄອນຫຼວງວຽງຈັນ