ຈຸດປະສົງໃນການຈັດກອງປະຊຸມສໍາມະນາວິຊາການໃນຄັ້ງນີ້ ຖືເປັນຊ່ວງເວລາທີ່ສໍາຄັນທີ່ສຸດໃນການ ຈັດຕັ້ງຜັນຂະຫຍາຍແຜນພັດທະນາຂອງປະເທດແລະວາລະແຫ່ງຊາດໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ທີ່ພັກ ແລະ ລັດຖະບານໄດ້ມີຄວາມພະຍາຍາມນໍາໃຊ້ທ່າແຮງທີ່ມີຂອງປະເທດເຂົ້າມາຊຸກຍູ້ການພັດທະນາເສດຖະກິດ-ສັງຄົມຂອງປະເທດ, ການຮ່ວມມື-ເຊື່ອມໂຍງກັບບັນ ດາປະເທດຕ່າງໆໃນອາຊຽນ ແລະ ພາກພື້ນແມ່ນບູລິມະສິດຕົ້ນຕໍໃນການສ້າງເຄື່ອຂ່າຍ, ຕ່ອງໂສ້ໃຫ້ແກ່ການພັດທະນາ ທັງທາງດ້ານການຄ້າ, ການຂົນສົ່ງ, ການທ່ອງທ່ຽວ, ການພັດທະນາທັກສະສີມື ກໍເພື່ອສ້າງໃຫ້ປະເທດລາວເຂົ້າສູ່ເຄື່ອຂ່າຍຂອງພາກພື້ນແລະສາກົນ.
ການເຂົ້າຮ່ວມຂອບການຮ່ວມມື RCEP ຂອງ ສປປລາວ ບໍພຽງແຕ່ເປັນການປະຕິບັດນະໂຍບາຍການເປີດປະເທດໃນການຫັນປະເທດຈາກເປັນ land-locked to land-link ເທົ່ານັ້ນ ຍັງເປັນການຫັນ ປ່ຽນໂຄງສ້າງເສດຖະກິດໂດຍການປັບປຸງທ່າແຮງແລະນໍາໃຊ້ໃຫ້ເກີດປະໂຫຍດສູງສຸດ, ການກະກຽມຄວາມພ້ອມຂອງ ສປປລາວ ເອງ ແລະ ຍັງເປັນການຮຽນຮູ້ເອົາບົດຮຽນຈາກບັນດາປະເທດອື່ນໆທີ່ປະ ຕິບັດຂອບຮ່ວມມືນີ້ ເຖິງຜົນປະໂຫຍດທີ່ໄດ້ຮັບ,ສິ່ງທ້າທາຍ ແລະ ໂອກາດທີ່ສປປລາວຈະນໍາມາຜັນຂະຫຍາຍໃນການກໍານົດນະໂຍບາຍຂອງປະເທດ. ແນ່ນອນຂອບການຮ່ວມມືນີ້ຫາກໍ່ເລີ່ມໃນປີ 2022 ນີ້ ແຕ່ເຮົາຕ້ອງໄດ້ມີການສຶກສາລະອຽດວ່າ ຜົນກະທົບທີ່ເຂົ້າຮ່ວມໃນຂອບສັນຍານີ້ລາວເຮົາໄດ້ຫຍັງແດ່ ແລະ ຕ້ອງວາງນະໂຍບາຍຫຍັງແດ່ ເຊິ່ງແມ່ນຫົວຂໍ້ທີ່ສໍາຄັນສໍາລັບນັກຄົ້ນຄວ້າ ແລະ ນັກວາງນະ ໂຍບາຍຕ້ອງໄດ້ເຂົ້າໃຈຢ່າງເລິກເຊິ່ງ.